Jose Antonio de Xixirin

O libro narra a historia de Jose Antonio de Xixirín, o primeiro vampiro galego, un personaxe peculiar e carismático con máis de mil anos de vida. Fillo de Pepe e Jesusa, Jose Antonio combina o misticismo da súa natureza sobrenatural co humor e a retranca galega. Entre as súas peculiaridades, destaca que só bebe sangue positiva, xa que non soporta a xente negativa, é fan da orquestra Panorama, ten discos autografados polos Diplomáticos de Montealto, e ve fielmente o programa Land Rober cada xoves.

Esta é a historia, de como un trasno liante e unha meiga moi intelixente convenceron a Jose Antonio para salvar o máis valioso que temos nesta terra, o licor café.