Estatuas y esculturas Coruñesas

Aquí están a serea que saúda dende as rochas do Matadoiro, o reloxo xigante que proclama que “A Coruña está en hora”, o soldado romano que garda a Domus con gravidade, os nenos da vacina guiados pola esperanza, os heroes do Orzán e o peixe de dous rabos que -din- avistaron os mariñeiros. Está tamén o eco do vento, o lazo de luz que quere salvar, a fonte das Catalinas, o polbo que envolve bancos e turistas, o busto de Castelao co nariz roto por un parvo —porque sempre hai un— e esa muller que coma tantas, sostivo sobre os ombreiros a economía doméstica dunha cidade enteira.

Cada escultura agocha unha historia, cada historia é unha vida, e cada vida forma parte da cidade.